Эрдэнэт үйлдвэрийн бүх ажилтан нэг ижил өнгө, загвартай ажлын хувцас өмсөнө

Эрдэнэт үйлдвэрийн ажилтны ажлын хувцасны загвар болон өнгө шинэчлэгдэж, бүх ажилтан ажлын ижил өнгийн хувцсаар хангагдах боллоо. Өмнө нь инженер техникийн ажилтан болон ажилчдын ажлын хувцасны өнгө өөр байсан бол шинэ батлагдсан загвараар ижил өнгөтэй байна гэж албаны хүн онцлов.

Ажиллагсдын хувцасны өнгө, загварыг орчин үеийн уул уурхайн үйлдвэрүүдийн нормын хувцасны жишиг загварт нийцүүлж, ижил улбар шар өнгийн дэвсгэр дээр суурилан шинэчлэхийг Эрдэнэт үйлдвэрийн ХАБЭА-н хэлтэс, Оёдлын цех хамтран санаачилсан байна. Үйлдвэрийн удирдлага уг санаачилгыг дэмжсэнээр бүх ажилтан шинэ загварын ажлын хувцсаар жигдрэх болжээ. Шинэ өнгө, загварын ажлын хувцсыг нөөц материалаа ашиглан, энэ улирлаас оёж эхэлнэ гэж Оёдлын цехийн технологич инженер П.Золзаяа ярив. Тус цехийн зөөлөн оёдлын хэсэг 35 оёдолчинтой, сард 800-1000 ширхэг хос хувцас үйлдвэрлэх хүчин чадалтай юм.

Эх сурвалж: erdenettoday.mn

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд bayangol.mn хариуцлага хүлээхгүй.

Сэтгэгдэл үлдээх